Malayalam news || Coffee-Pepper Estate for Sale

Breaking News

Trending topics
2019 -ലെ തെരഞ്ഞെടുപ്പ്: പ്രതിപക്ഷത്തിന്റെ അവസാനത്തെ ബസ് - അരുണ്‍ ഷൂറി*2019 -ൽ വീണ്ടും നരേന്ദ്ര മോദി അധികാരത്തിലേറുകയാണെങ്കിൽ രാജ്യത്തെ ജനാധിപത്യാവകാശങ്ങളുടെയും സ്വതന്ത്രമായ തെരഞ്ഞെടുപ്പിന്റെയും അഭിപ്രായ സ്വാതന്ത്ര്യത്തി ന്റെയും അവസാനമായിരിക്കുമെന്ന് ബി.ജെ.പിയുടെ മുൻ കേന്ദ്ര മന്ത്രിയും മുതിർന്ന പത്രപ്രവർത്തകനുമായ അരുണ്‍ ഷൂറി. വരുന്ന തെരഞ്ഞെടുപ്പിൽ ബി.ജെ.പിക്കെതിരെ എല്ലാ മണ്ഡലങ്ങളിലും ഒരൊറ്റ പൊതു സ്ഥാനാർത്ഥിയെ നിർത്തി മത്സരിപ്പിക്കാൻ പ്രതിപക്ഷ പാർട്ടികൾ ഒറ്റക്കെട്ടായി പ്രതിജ്ഞ ചെയ്യണമെന്നും അരുൺ ഷൂറി ആവശ്യപ്പെട്ടു. പ്രമുഖ വെബ് സൈറ്റായ ‘ദ വയർ’ സംഘടിപ്പിച്ച ചർച്ചയിൽ പങ്കെടുക്കവെയാണ് ബി.ജെ.പിയുടെ മുൻ സഹയാത്രികനായ അരുൺ ഷൂറി തന്റെ അഭിപ്രായം തുറന്നു പ്രകടിപ്പിച്ചത്. മുതിർന്ന മാധ്യമ പ്രവർത്തകൻ കരൺ ഥാപ്പറാണ് നിറഞ്ഞ സദസ്സിനു മുമ്പിൽ അരുൺ ഷൂറിയുമായി അഭിമുഖം നടത്തിയത്. വാജ്പേയ് മന്ത്രിസഭയിൽ വാർത്ത വിതരണ പ്രക്ഷേപണ വകുപ്പ് കൈകാര്യം ചെയ്തിരുന്നത് അരുൺ ഷൂറിയായിരുന്നു.
ട്രംപിനെതിരെ ലൈംഗികാരോപണം വൈറ്റ്‌ഹൗസ്‌ വീണ്ടും തള്ളി*അമേരിക്കന്‍ പ്രസിഡന്റ്‌ ഡൊണാള്‍ഡ്‌ ട്രംപിനെതിരെ മുന്‍ നീലച്ചിത്രനടി സ്റ്റോമി ഡാനിയേല്‍ ഉന്നയിച്ച ലൈംഗികാരോപണം വൈറ്റ്‌ ഹൗസ്‌ വീണ്ടും തള്ളി. ഇപ്പോള്‍ ഉയര്‍ന്നുവന്നിട്ടുള്ള ലൈംഗിക ആരോപണവും ഇതുമായി ബന്ധപ്പെട്ട മറ്റു ആരോപണങ്ങളും അടിസ്ഥാനമില്ലാത്തവയാണെന്നു വൈറ്റ്‌ ഹൗസ്‌ വൃത്തങ്ങള്‍ വ്യക്തമാക്കി. 2006 നവേദിയില്‍വച്ച്‌ ഗോള്‍ഫ്‌ ടൂര്‍ണമെന്റിനിടെ ട്രംപ്‌ തന്നെ ലൈംഗികമായി ചൂഷണം ചെയ്‌തുവെന്നായിരുന്നു സ്റ്റോമി ഡാനിയേല്‍ ഒരു മാഗസിനു നല്‍കിയ അഭിമുഖത്തിലൂടെ ആദ്യം ആരോപിച്ചത്‌.
ബിഹാറില്‍ ടോര്‍ച്ച്‌ വെളിച്ചത്തില്‍ ശസ്‌ത്രക്രിയയ്‌ക്കു വിധേയയായ സ്‌ത്രീ മരിച്ചു*ബിഹാറിലെ മുസഫര്‍പൂരിലെ സദര്‍ ആശുപത്രിയില്‍ കഴിഞ്ഞ ദിവസം ശസ്‌ത്രക്രിയയ്‌ക്കു വിധേയയായ സ്‌ത്രീ മരിച്ചു. റൂബി കുമാരി എന്ന സ്‌ത്രീയാണ്‌ മരിച്ചത്‌. വൈദ്യുതി ഇല്ലാതിരുന്നതിനെ തുടര്‍ന്ന്‌ സ്‌ത്രീയ ടോര്‍ച്ചിന്റെ വെട്ടത്തില്‍ ഡോക്ടര്‍മാര്‍ ശസ്‌ത്രക്രിയയ്‌ക്കു വിധേയമാക്കുകയായിരുന്നു. അപകടത്തില്‍പ്പെട്ട്‌ ഗുരുതരപരുക്കുകളോടെയാണ്‌ റൂബി കുമാരിയെ ആശുപത്രിയില്‍ എത്തിച്ചത്‌.
ഗുരുദാസ്‌പൂരില്‍ കോണ്‍ഗ്രസ്‌ സ്ഥാനാര്‍ഥി വിജയമുറപ്പിച്ചു*പഞ്ചാബിലെ ഗുരുദാസ്‌പൂരില്‍ കോണ്‍ഗ്രസ്‌ സ്ഥാനാര്‍ഥി സുനില്‍ ജാഖര്‍ വിജയമുറപ്പിച്ചു. ഒടുവില്‍ വിവരം ലഭിക്കുമ്പോള്‍ കോണ്‍ഗ്രസ്‌ സംസ്ഥാന അധ്യക്ഷന്‍ കൂടിയായ സുനില്‍ ജാഖറിന്റെ ലീഡ്‌ ഒരുലക്ഷം കവിഞ്ഞു. ബിജെപിയുടെ സിറ്റിങ്‌ സീറ്റിലാണ്‌ കോണ്‍ഗ്രസ്‌ സ്ഥാനാര്‍ഥി വിജയമുറപ്പിച്ചിരിക്കുന്നത്‌. സ്വരണ്‍ സലാറിയാണ്‌ ബിജെപിയുടെ സ്ഥാനാര്‍ഥി. കഴിഞ്ഞ നിയമസഭാ തിരഞ്ഞെടുപ്പില്‍ പ്രതീക്ഷിച്ച പ്രകടനം നടത്താന്‍ കഴിയാതിരുന്ന ആം ആദ്‌മി പാര്‍ട്ടിയും മത്സരരംഗത്തുണ്ട്‌.
ഭീകരര്‍ ഭാര്യയെ മാനഭംഗപ്പെടുത്തി; പിഞ്ചുകുഞ്ഞിനെ കൊന്നു*പാക്കിസ്ഥാനില്‍ ഹഖാനി ഭീകരരുടെ തടവില്‍നിന്നു അഞ്ചുവര്‍ഷങ്ങള്‍ക്കുശേഷം മോചിതനായ കനേഡിയന്‍ സ്വദേശി ജോഷ്വാബോയ്‌ലിന്റെ വെളിപ്പെടുത്തല്‍ ആരെയും മുറിപ്പെടുത്തും. തന്റെ ഭാര്യയെ അവര്‍ മാനഭംഗപ്പെടുത്തിയെന്നും തന്റെ പിഞ്ചുമകളെ കൊലപ്പെടുത്തിയെന്നും ജോഷ്വാബോയ്‌ലി നാട്ടിലെത്തിയപ്പോള്‍ വ്യക്തമാക്കി. തടവുകാലത്തിനിടെ ജോഷ്വാബോയ്‌ലി-കെയ്‌റ്റ്‌ലന്‍ കോള്‍മാന്‍ ദമ്പതികള്‍ക്ക്‌ ഭീകരരുടെ തടവില്‍കഴിയുമ്പോഴാണ്‌ നാലുകുട്ടികള്‍ ജനിച്ചത്‌.