Breaking News

Trending right now:
Description
 
Nov 04, 2013

ഓഐസിസി സാമ്പത്തിക സഹായം അഡ്വക്കേറ്റ്‌ പി ടി തോമസ്‌ നിര്‍വഹിച്ചു

Sibi Sebastian
image
സിഡ്‌നി: ഒഐസിസി ഓസ്‌ട്രേലിയയുടെ പ്രവര്‍ത്തനത്തിന്റെ ഭാഗമായി നടന്ന ചികിത്സാ സഹായം ഇരു വൃക്കകളും തകരാറിലായി വിഷമിക്കുന്ന ഉഴവൂര്‍ സ്വദേശി പ്രതീഷ്‌ ദാസിന്‌ 50,000 രൂപയുടെ ചെക്ക്‌ നല്‍കി ഇടുക്കി എംപി പി.ടി തോമസ്‌ തൊടുപുഴയില്‍ നടന്ന ചടങ്ങില്‍ നിര്‍വഹിച്ചു.

സാമ്പത്തികമായി കഷ്ടയതനുഭവിക്കുന്നവര്‍ക്ക്‌ ഇങ്ങനെയുള്ള സഹായം ഒരു തുണയാകുമെന്ന്‌ പി.ടി തോമസ്‌ എംപി അറിയിച്ചു. ഓസ്‌ട്രേലിയയിലെ ഒഐസിസിയുടെ പ്രവര്‍ത്തനം ശ്ലാഘനീയമാണെന്നും മുമ്പും ഇതുപോലെ ജീവകാരുണ്യ പ്രവര്‍ത്തനം നടത്തിയതും എംപി ചൂണ്‌ടിക്കാട്ടി.

ഒഐസിസി സെന്‍ട്രല്‍ കമ്മിറ്റിയുടെ നേതൃത്വത്തില്‍ പ്രവര്‍ത്തനം വളരെ ഊര്‍ജസ്വലമാക്കുമെന്നും സോഠണല്‍ കമ്മിറ്റികളില്‍ കൂടുതല്‍ മെംബര്‍മാരെ ചേര്‍ക്കുമെന്നും ജീവകാരുണ്യ പ്രവര്‍ത്തനങ്ങളില്‍ സജീവമായി ഇടപെടുമെന്നും സെന്‍ട്രല്‍ കമ്മിറ്റി അറിയിച്ചു.