Breaking News

Trending right now:
Description
 
Oct 21, 2013

സണ്‍ലൈറ്റ്‌ അലര്‍ജിക്കാരെ കാണാന്‍ വിസമ്മതിച്ച്‌ ജനസമ്പര്‍ക്കം; മനുഷ്യാവകാശ കമ്മീഷന്‍ ഇടപെടണം

image ആശുപത്രിയില്‍ കിടന്ന പലരും കിടക്കയിലാണ്‌ കേരളത്തിലെ നവ യേശുക്രിസ്‌തു ഉമ്മന്‍ ഗുരു നയിച്ച ആന്തരിക സൗഖ്യ ധ്യാനമായ ജനസമ്പര്‍ക്കത്തിന്‌ കഴിഞ്ഞ ദിവസം എത്തിയത്‌. കിടക്കയും എടുത്ത്‌ നടക്കുക എന്ന്‌ ഉമ്മന്‍ സാര്‍ പറഞ്ഞതും പലരും നടന്നുവത്രേ. പതിനായിരവും ലക്ഷങ്ങളുമായി കോടികളാണ്‌ അങ്ങനെ നവ ക്രിസ്‌തു പരിപാടിയില്‍ വിതരണം ചെയ്‌തത്‌.

എന്നാലും സണ്‍ലൈറ്റ്‌ അലര്‍ജിക്കാരെ എത്ര ബഹളം കൂട്ടിയിട്ടും ധ്യാനഗുരു കാണാന്‍ കൂട്ടാക്കാതിരുന്നത്‌ മനുഷ്യവകാശലംഘനമല്ലേയെന്ന്‌ എന്നൊരു സംശയം കോണ്‍ഗ്രസുകാര്‍ക്ക്‌ പോലും ഉണ്ടത്രേ. അവരെ കാണാമെന്ന്‌ മുഖ്യ ധ്യാന ഗുരു അനുവാദവും നല്‌കിയതാണെന്ന്‌ പറയപ്പെടുന്നു. പക്ഷേ രോഗ സൗഖ്യം പ്രതീക്ഷിച്ച്‌ എത്തിയ ഇവരെ എന്തിന്‌ തടഞ്ഞുവെന്ന്‌ ആര്‍ക്കും മനസിലാവില്ല. എസിയില്‍ മാത്രം സഞ്ചരിക്കണമെന്ന്‌ ജനകീയ ആശുപത്രികള്‍ പ്രത്യേകം നിഷ്‌കര്‍ഷിച്ചിട്ടുള്ളവരാണ്‌ ഇവര്‍. ഈ ദുരവസ്ഥയില്‍ നിന്ന്‌ മോചനം തേടിയെത്തിയവരാണ്‌ ഇവര്‍. പക്ഷേ അസിസ്റ്റ്‌ ധ്യാനഗുരുവിന്റെ വോളന്റിയര്‍മാരായ കേരള പോലീസ്‌ പാവം സണ്‍ലൈറ്റ്‌ അലര്‍ജിക്കാരെ തടഞ്ഞതെന്ന്‌ ചിലര്‍ പറയുന്നു.

പാവങ്ങള്‍ എത്ര നിലവിളിച്ചിട്ടും കാരുണ്യനിധിയായ ഉമ്മച്ചന്‍ ഗുരു വേദിവിട്ടു പുറത്തു വന്നില്ല. സണ്‍ലൈറ്റ്‌ അലര്‍ജി താങ്ങാനാവാതെ ബോധം കെട്ടു വീണവരെ പിന്നീട്‌ വോളന്റിയര്‍മാര്‍ അഞ്‌ജാത കേന്ദ്രത്തിലേക്ക്‌ മാറ്റി.

എന്നിട്ടും പലര്‍ക്കും പണം വാരി കോരി കൊടുത്ത ധ്യാന ഗുരു ഇവരെ സൗഖ്‌മാക്കിയില്ലന്നും ആ രോപണം ഉണ്ട്‌. എന്തിന്‌ ഒരു സോഡാ നാരങ്ങാ വെള്ളം പോലും വാങ്ങിക്കൊടുക്കാന്‍ ഗുരു കാല്‍ക്കാശ്‌ കൊടുക്കാതിരുന്നത്‌ മനുഷ്യാവകാശ ലംഘനമല്ലേ. തീര്‍ച്ചയായും ഗുരുവിന്റെ ഈ കൊടും ക്രൂരതയ്‌ക്കെതിരെ കേസെടുക്കണ്ടേ ? എന്തായാലും ധ്യാന ഗുരുവിന്‌ നാണമില്ലെങ്കില്‍ രോഗികള്‍ക്ക്‌ നാണമുണ്ടാവണ്ടേ. അവര്‍ നിലവിളിച്ച്‌ മടുത്തപ്പോള്‍ സ്ഥലം വിട്ടു. അല്ല പിന്നെ ഒരു രോഗം വന്ന്‌ തളര്‍ന്ന്‌ വീണവരെ പരിഗണിക്കാത്ത ധ്യാനഗുരുവാണത്രേ നാടൊട്ടുക്കും നടന്ന്‌ ജനങ്ങള്‍ക്ക്‌ രോഗ സൗഖ്യം നല്‌കുന്നത്‌.

എല്ലാ എ.പി.എലുകാരെയും ബിപിഎലുകാര്‍ ആക്കുക, അങ്ങനെ കേരളത്തെ സമസ്‌ത ബിപിഎല്‍ ഭരണത്തിന്‌ കീഴില്‍ കൊണ്ടുവരുക എന്ന പ്രഖ്യാപിത ലക്ഷ്യമുള്ള നവ മാവേലിക്കൂടിയായ ഉമ്മന്‍ ഗുരുവിന്റെ അടുത്ത ആന്തരിക സൗഖ്യ ധ്യാനമായ ജനസമ്പര്‍ക്കത്തെ ഏതു വിധേയനേയും തടയുമെന്നാണ്‌ സണ്‍ലൈറ്റ്‌അലര്‍ജി പ്രോട്ടക്ട്‌ മൂവ്‌മെന്റ്‌ (സി.പി.എം) കേരള ഘടകം എടുത്തിരിക്കുന്ന നിലവിലെ തീരുമാനം.

പാവപ്പെട്ട സണ്‍ലൈറ്റ്‌ അലര്‍ജിക്കാരെ പിഗണിക്കാതെ പോയത്‌ ക്രൂരതയല്ലേ.

ഇനി സണ്‍ലൈറ്റ്‌ അലര്‍ജി വന്നവരുടെ ചരിത്രം അറിയണം. അതിന്‌ സെന്‍സ്‌ വേണം സെന്‍സിബിലിറ്റി വേണം ധ്യാന മുഖ്യന്‍. അവര്‍ ആരന്നല്ലേ കേട്ടോ

തോക്കിന്റെയും ബോംബിന്റെയും മുന്നില്‍ വിരിമാറു കാട്ടിയവരാണ്‌ ഇന്നത്തെ ഈ സണ്‍ലൈറ്റ്‌ അലര്‍ജി ഏറ്റു വീണുപോയവര്‍. പണ്ടിവര്‍ കൊയ്‌ത വായലുകള്‍ ഇന്ന്‌ കൊയ്‌ത്ത്‌ യന്ത്രം കൊണ്ടു പോയങ്കിലും പഴയ നൊസ്റ്റാള്‍ജിയ ഇപ്പോഴും പേറുന്നവര്‍.

എന്തിന്‌ ജലപീരങ്കി പോലും സണ്‍ലൈറ്റ്‌ അലര്‍ജിക്കാര്‍ക്ക്‌ പുല്ലായിരുന്നത്രേ. ആന്റണി സാറിന്റെ പട്ടാളക്കാര്‍ തോക്കുമായി തിരേേന്താരത്ത്‌ തമ്പടിച്ചിട്ടും ഒരു സണ്‍ലൈറ്റ്‌ അലര്‍ജിക്കാരനും പിന്‍വാങ്ങിയിരുന്നില്ല

സൗരോര്‍ജ്ജം വീക്ക്‌ാനെസായ ഗുരു ഉമ്മച്ചന്റെ ലോകപ്രശസ്‌ത ജനസമ്പര്‍ക്ക ആന്തരിക സൗഖ്യ ധ്യാന പരിപാടി തടയാന്‍ ശ്രമിച്ചവരെ സൂര്യനെ വച്ച്‌ നേരിട്ടത്‌ അസിസ്റ്റ്‌ ഗുരുവിനുള്ള മുന്നറിയിപ്പാണെന്നും ചിലര്‍ പറയുന്നു. സൗരോര്‍ജ്ജം ഉപയോഗിച്ച്‌ പാവപ്പെട്ട സണ്‍ലൈറ്റ്‌ അലര്‍ജിക്കാരെ നേരിട്ടത്‌ തികച്ചും മനുഷ്യാവകാശ വിരുദ്ധ നടപടിയാണെന്ന്‌ മറ്റൊരു ധ്യാനഗുരു പൂഞ്ഞാര്‍ സത്യവാന്‍ പ്രതികരിച്ചു. എന്തായാലും സണ്‍ലൈറ്റ്‌ അലര്‍ജിക്കാര്‍ കരുതിയിരിക്കുക.