Breaking News

Trending right now:
Description
 
Feb 19, 2018

വ്യത്യസ്‌തമായ മലയാളം റാപ്പ്‌ ഗാനം 'കൂട്ടിലിട്ട തത്ത' ശ്രദ്ധേയമാകുന്നു

image സ്വപ്‌നങ്ങള്‍ കാണാനുള്ളതാണ്‌. നടപ്പില്‍വരുത്താനുള്ളതാണ്‌.... ഭാവി ജീവിതത്തെക്കുറിച്ച്‌ ഒരുപാട്‌ പ്രതീക്ഷകളും ആഗ്രഹങ്ങളും ഉള്ളവാരാണ്‌ നമ്മുടെ യുവാക്കള്‍. എന്നാല്‍, ജീവിത യാഥാര്‍ത്ഥ്യങ്ങളും കയ്‌പ്പേറിയ അനുഭവങ്ങള്‍ക്കിടയിലും അവര്‍ക്ക്‌ സ്വപ്‌നങ്ങളെ എത്തിപ്പിടിക്കാന്‍ കഴിയാതെ വരുന്നു. ഇത്തരം നിരാശകള്‍ നമ്മെ അക്ഷരാര്‍ത്ഥത്തില്‍ 'കൂട്ടിലിട്ട തത്ത'യുടെ അവസ്ഥയില്‍ എത്തിക്കും. ഒരു പാട്ടിന്റെ പ്രമേയത്തെപ്പറ്റിയാണ്‌ പറഞ്ഞുവരുന്നത്‌.
മലയാളം റാപ്പ്‌ ഗാനങ്ങള്‍ ഒരുക്കി ശ്രദ്ധേയനായ ഫെജോ ഒരുക്കിയ ഏറ്റവും പുതിയ ഗാനമാണ്‌ 'കൂട്ടിലിട്ട തത്ത'. താന്‍ കടന്നുപോയ അനുഭവങ്ങള്‍ ആണ്‌ പാട്ടിന്റെ പാട്ടിന്റെ വരികളായി രൂപപ്പെട്ടതെന്നു ഫെജോ പറയുന്നു. നിരാശയുടെ പടുകുഴിയില്‍ നില്‍ക്കുമ്പോഴും സ്വന്തം മനസിലും കഴിവിലും വിശ്വാസം അര്‍പ്പിച്ചു പൊരുതുന്ന പ്രത്യാശയുടെ നല്ല നാളുകള്‍ തനിക്കായി കാത്തിരിക്കുന്നുവെന്നു ഉറച്ചു വിശ്വസിക്കുന്ന നായകന്റെ കഥയാണ്‌ ഈ പാട്ടിലൂടെ അവതരിപ്പിക്കുന്നത്‌. ഒപ്പം സമൂഹത്തിന്റെ ചില അവസ്ഥകളും രസകരമായി പ്രതിപാദിക്കുന്നുണ്ട്‌. പാട്ട്‌ കേള്‍ക്കുന്നവര്‍ക്ക്‌ സ്വന്തം ജീവിതവുമായി ബന്ധം തോന്നുന്ന വരികള്‍ ആണ്‌ ഈ വ്യത്യസ്‌തമായ മലയാളം റാപ്പ്‌ ഗാനത്തിന്റെ ഹൈലൈറ്റ്‌. പോസ്‌റ്റ്‌മലോണ്‍ എന്ന അമേരിക്കന്‍ ഗായകന്റെ റോക്ക്‌ സ്‌റ്റാര്‍ പാട്ടിന്റെ മലയാളം പതിപ്പായി ഒരുക്കിയ ഗാനം യൂട്യൂബില്‍ നല്ല കാഴ്‌ചക്കാരെ നേടി മികച്ച അഭിപ്രായവുമായി മുന്നേറുകയാണ്‌. 'കൂട്ടിലിട്ട തത്ത' ഗാനം കേള്‍ക്കാന്‍- http://youtu.be/pJvWHHk5D2M