Breaking News

Trending right now:
Description
 
Aug 08, 2016

മാണി പശു; ജോസഫ്‌ കാള: മാണിയെ കണക്കറ്റു പരിഹസിച്ചു പി സി ജോര്‍ജിന്റെ ഫെയ്‌സ്‌ബുക്ക്‌ പോസ്‌റ്റ്‌

image
തിരുവനന്തപുരം; കേരള കോണ്‍ഗ്രസ്‌ മാണി വിഭാഗം യുഡി എഫ്‌ വിട്ടുപോയതിനെ കണക്കറ്റു പരിഹസിച്ച്‌ പി സി ജോര്‍ജിന്റെ ഫെയ്‌സ്‌ബുക്ക്‌ പോസ്‌റ്റ്‌്‌. ഒരു വാര്‍ത്തമാനകാല കഥ എന്ന തലക്കെട്ടോടെയുള്ള പി സി ജോര്‍ജിന്റെ പോസ്‌റ്റില്‍ മാണിയെ പശുവിനോടാണ്‌ ഉപമിച്ചിരിക്കുന്നത്‌. മാണി ഇടതുപക്ഷത്തെയോ ബിജെപിയെയോ ലക്ഷ്യം കണ്ടാണ്‌ യുഡിഎഫില്‍ നിന്നു ചാടിയതെന്നു കുറിപ്പില്‍ പരിഹസിക്കുന്നു. സ്വന്തമായുള്ള പുരിടത്തില്‍ പുല്ലു കിളിര്‍പ്പിക്കാന്‍ ത്രാണിയില്ലാത്ത മാണി വല്ലവന്റെയും പറമ്പിലെ പുല്ലു കണ്ടു കൊണ്ടാണ്‌ പുറത്തുചാടിയിരിക്കുന്നത്‌. മാണി യുഡിഎഫില്‍ കിടന്നു ആട്ടും തുപ്പും മേടിച്ച്‌ പട്ടിണിയും പരിവട്ടവുമായാണ്‌ യു ഡി എഫ്‌ വിടുന്നതെന്നും കുറിപ്പില്‍ പരിഹസിക്കുന്നു. പിജെ ജോസഫിനെ ഗായകനാദമുള്ള കൂട്ടുകാരനായ കാളയായും ജോസ്‌ കെ മാണിയെ കിടാവുമായാണ്‌ പി സി ജോര്‍ജ്‌ അവതരിപ്പിച്ചിരിക്കുന്നത്‌. 
തികഞ്ഞ പരിഹാസം നിറഞ്ഞു നില്‍ക്കുന്ന പോസ്‌റ്റ്‌ ഹാസ്യബോധത്തോടെയാണ്‌ പോസ്‌റ്റ്‌ അവസാനിക്കുന്നത്‌. ഇടതിന്റെയോ ബിജെപിയുടെയോ കൃഷിയിടത്തിലേയ്‌ക്ക്‌ ആരെങ്കിലും വിളിച്ചു കയറ്റണമെന്ന പ്രാര്‍ത്ഥനയോടെ ഗായക നാദമുള്ള കൂട്ടുകാരനെയും സ്വന്തം കിടാവിനെയും ചേര്‍ത്തു പിടിച്ചു "ഒറ്റയ്‌ക്കെന്ന ബോര്‍ഡും കഴുത്തിലണിഞ്ഞു ആ വാല്‍സല്യനിധി നില്‍പ്പു തുടങ്ങി.


ഒരു വര്‍ത്തമാനകാല കഥ

സ്വന്തമായിട്ടുള്ള പുരയിടത്തില്‍ ഒരു പുല്‍നാമ്പ് പോലും വളര്‍ത്താനുള്ള ശേഷി ഒട്ടുമില്ല! ഇത്രയും നാളും വല്ലവൻ്റെയും പുരയിടത്തിലെ ത്രിവര്‍ണ്ണ പുല്ല് തിന്ന് തടിച്ചു കൊഴുത്തു. ആ പുരയിടത്തില്‍ ഒരു തകര പോലും ഇനി 4 വര്‍ഷത്തേക്ക് കിളിര്‍ക്കില്ലെന്ന അശരീരിയും മുഴങ്ങി!

ഒപ്പം ചേര്‍ന്നു കിടന്ന് അയവിറക്കുന്ന കിടാവിനെ വാത്‌സല്യത്തോടെ ഒന്നു നോക്കി തീരുമാനിച്ചുറച്ച് എണീറ്റു. എന്നിട്ട് ചുറ്റിനും കണ്ണോടിച്ചു! തൊട്ടടുത്ത പറമ്പുകളായ കോട്ടയം ചേട്ടന്‍ൻ്റെ അഖിലേന്ത്യാ കാവി പുരയിടത്തിലെയും, കണിശക്കാരനായ വടക്കന്‍ ചേട്ടന്‍ടെ വിപ്ളവ പറമ്പിലെയും പുല്‍സമൃദ്‌ധിയിലേക്ക് കൊതിയോടെ ദൃഷ്‌ടി പായിച്ചു.

കാവി പുരയിടത്തിലോ,വിപ്ളവ പറമ്പിലോ എവിടെങ്കിലും ഒരിടത്ത് വേലി പൊളിച്ചു കയറണം. അല്ലേല്‍ പട്ടിണി കിടന്ന് ചാവും! കൂട്ടത്തില്‍ ഇത്രേം നാളും ഒപ്പം നടന്ന് തിന്നു കൊഴുത്ത ക്‌ടാവും വടിയാകും. അതുമല്ലെങ്കിൽ ആരെങ്കിലും അറക്കാന്‍ കൊണ്ടുപോകും! പാടില്ല, അങ്ങനെ സംഭവിച്ചു കൂടാ!

നിശ്ചയദാര്‍ഡ്യത്തോടെ കിടാവിനെയും കൂട്ടി എണീറ്റു. ഇത്രയും നാളും തങ്ങള്‍ക്കൊപ്പം നടന്ന് പുല്ല് തിന്നവന്‍ മിണ്ടാതെ അപ്പുറത്ത് മാറിക്കിടപ്പുണ്ട് ! തൻ്റേത് കാളരാഗം തന്നെ. പക്ഷേ പാട്ടുകാരനായ അവന്‍ അമറുന്നതിന് ഗായകനാദത്തിൻ്റെ ഒരു മെലഡി ട്യൂണുണ്ട് ! നിൻ്റെ വിശപ്പും ഞാന്‍ മാറ്റിത്തരാം വാ... ഞങ്ങടെ കൂടെ ''വിശന്നിരിക്കുന്നത് സഹിക്കാന്‍ കഴിയാത്ത അവന്‍ കേട്ടപാടെ ചാടി എണീറ്റ് ഒപ്പം കൂടി! അവനെയും സ്വന്തം കിടാവിനെയും കൂട്ടി കാവി പുരയിടത്തിൻ്റെയും വിപ്ളവ പറമ്പിന്റെയും ഒത്ത നടുവിലെത്തി. രണ്ടിടത്തോട്ടും എത്താന്‍ ''സമദൂര'' മേയുള്ളൂ. തങ്ങളോടു കഷ്‌ടം തോന്നി ഇതിലേതെങ്കിലും ഒരു പുരയിടത്തിലെ പുല്‍സമൃദ്ധിയിലേക്ക് ഉടമസ്‌ഥരില്‍ ആരെങ്കിലും ഒന്ന് വിളിച്ചു കയറ്റണേ എന്ന പ്രാര്‍ത്‌ഥനയുമായി...

ഗായകനാദമുള്ള കൂട്ടുകാരനെയും സ്വന്തം കിടാവിനെയും ചേര്‍ത്തു പിടിച്ച് ''ഒറ്റയ്‌ക്ക്'' എന്ന ബോര്‍ഡും കഴുത്തിലണിഞ്ഞ്‌ ആ വാല്‍സല്യനിധി നില്‍പു തുടങ്ങി!