Breaking News

Trending right now:
Description
 
Aug 11, 2014

പ്രവാസി മലയാളി സംഗമം: ഒരുക്കങ്ങള്‍ പൂര്‍ത്തിയായി

Anil Pennukkara
image കോട്ടയം: പ്രവാസി മലയാളി ഫെഡറേഷന്റെ ആഭിമുഖ്യത്തില്‍ സംഘടിപ്പിക്കുന്ന ഒന്നാമത്‌ പ്രവാസി മലയാളി സംഗമം ഓഗസ്റ്റ്‌ 14, 15, 16, 17 തീയതികളില്‍ കോട്ടയത്ത്‌ നടത്തപ്പെടുന്നു.

ലോകത്തിലെ മിക്കവാറും എല്ലാ രാജ്യങ്ങളിലും കോഓര്‍ഡിനേറ്റര്‍മാരെ നിര്‍ണയിച്ചു നടത്തിയ പ്രവര്‍ത്തനങ്ങളുടെ വിലയിരുത്തല്‍ കൂടിയാണ്‌ ഈ പ്രവാസി സംഗമം. അമ്പതിലധികം പ്രവാസി കോഓര്‍ഡിനേറ്റര്‍മാരുടെ നേതൃത്വത്തില്‍ അഞ്ഞൂറിലധികം ഡെലിഗേറ്റുകള്‍ പങ്കെടുക്കുന്ന സമ്മേളനത്തോടനുബന്ധിച്ച്‌ കേരള ചരിത്ര പ്രദര്‍ശനം, കേരള ചരിത്ര കോണ്‍ഫറന്‍സ്‌, പുസ്‌തക പ്രകാശനം, അവാര്‍ഡ്‌ ദാനം, സുവനീര്‍ പ്രകാശനം, സാംസ്‌കാരിക സമ്മേളനം എന്നിവയും നടക്കും.

കേരള മുഖ്യമന്ത്രി ഉമ്മന്‍ ചാണ്ടി, മന്ത്രിമാരായ രമേശ്‌ ചെന്നിത്തല, കെ.സി ജോസഫ്‌, കെ.എം മാണി, അടൂര്‍ പ്രകാശ്‌, തിരുവഞ്ചൂര്‍ രാധാകൃഷ്‌ണന്‍, പി.കെ കുഞ്ഞാലിക്കുട്ടി, അനൂപ്‌ ജേക്കബ്‌, എംഎല്‍എമാരായ കെ. മുരളീധരന്‍, കോടിയേരി ബാലകൃഷ്‌ണന്‍, സുരേഷ്‌ കുറുപ്പ്‌, കെ.ടി ജലീല്‍, ജോസ്‌ കെ. മാണി എംപി, ചലച്ചിത്രതാരങ്ങളായ ജഗദീഷ്‌, സുരാജ്‌ വെഞ്ഞാറമൂട്‌, മധുപാല്‍, ബിജെപി നേതാക്കളായ ഒ. രാജഗോപാല്‍, കെ. സുരേന്ദ്രന്‍ തുടങ്ങിയവര്‍ സംഗമത്തില്‍ പങ്കെടുക്കും.

ശാന്തിഗിരി ആശ്രമം ഓര്‍ഗനൈസിംഗ്‌ സെക്രട്ടറി സ്വാമി ഗുരുരത്‌നം ജ്ഞാനതപസ്വി രക്ഷാധികാരിയായി പ്രവര്‍ത്തിക്കുന്ന പിഎംഎഫിന്റെ ചെയര്‍മാന്‍ ഡോ. ജോസ്‌ കാനാട്ടും ഗ്ലോബല്‍ കോഓര്‍ഡിനേറ്റര്‍ ഓസ്‌ട്രേലിയയിലെ സാമൂഹ്യപ്രവര്‍ത്തകനായ മാത്യു പനച്ചിക്കലുമാണ്‌. പ്രവാസി സമ്മാന്‍ പുരസ്‌കാര ജേതാവ്‌ ബഷീര്‍ അമ്പലായി കണ്‍വന്‍ഷന്‍ ചെയര്‍മാനായ കമ്മിറ്റിയാണ്‌ കണ്‍വന്‍ഷന്റെ വിജയത്തിനായി പ്രവര്‍ത്തിക്കുന്നത്‌.