Breaking News

Trending right now:
Description
 
Jun 27, 2014

കാതോലിക്കാ​ദിന ഫണ്ട് ശേഖരണം

Johnson Punchakkonam
image

ഹൂസ്റ്റൻ  : മലങ്കര ഓര്‍ത്തഡോക്സ് സുറിയാനി സഭയുടെ സൌത്ത് വെസ്റ്റ്‌ അമേരിക്കൻ ഭദ്രാസന കാതോലിക്കാദിന ഫണ്ട് ശേഖരണം  2014 സെപ്റ്റംബർ  20 നു, ഭദ്രാസന ആസ്ഥാനമായ ഹൂസ്റ്റൻ ബേസിലി   "ഊര്‍ശ്ലേം" അരമനയില്‍ വച്ച് നടത്തപ്പെടുന്നു.  ഭദ്രാസനാധിപന്‍ അഭിവന്ദ്യ അലക്സിയോസ്  മാര്‍ യൂസേബിയോസ്  മെത്രാപ്പോലീത്തയുടെ  അദ്ധ്യക്ഷതയില്‍ കൂടുന്ന  സമ്മേളനത്തില്‍  മലങ്കര ഓർത്തോഡോക്സ് സഭയുടെ പരമാദ്ധ്യക്ഷന്‍ പരിശുദ്ധ ബസ്സേലിയോസ് മാര്‍ത്തോമ്മാ പൌലോസ് ദ്വിതീയന്‍ കാതോലിക്കാ ബാവാ ഉദ്ഘാടനം ചെയ്യും. 2014 ലെ മലങ്കര സഭാദിന ഫണ്ട് ശേഖരണത്തില്‍ നൂറ് ശതമാനം തുകയും നല്കുവാൻ ഭദ്രാസനത്തിലെ എല്ലാ ഇടവകകളും പരിശ്രക്കെണമെന്നു   ഭദ്രാസനാധിപന്‍ അഭിവന്ദ്യ അലക്സിയോസ്  മാര്‍ യൂസേബിയോസ്  മെത്രാപ്പോലീത്ത വൈദീകരോട് നിർദ്ദേശിച്ചു.  ഭദ്രാസനത്തിലെ എല്ലാ വൈദികരും, ഇടവക ഭരണസമിതിയും, ഇടവകാംഗങ്ങളും ഇക്കാര്യത്തിൽ പ്രത്യേകം താല്പര്യമെടുക്കെണമെന്നു മെത്രാപ്പോലീത്ത പ്രത്യാശ പ്രകടിപ്പിച്ചു.

മുന്‍വര്‍ഷങ്ങളെ അപേക്ഷിച്ച് കാരുണ്യ പ്രവര്‍ത്തനങ്ങള്‍ക്കും, നിര്‍ദ്ധനരുടെ ഉന്നമനത്തിനും, വൈദികരുടെയും, ശ്രുശ്രൂഷക്കാരുടെയും ക്ഷേമത്തിനും മറ്റ് ജീവകാരുണ്യ പ്രവര്‍ത്തനങ്ങള്‍ക്കുമായി 5 കോടി രൂപയുടെ ടാര്‍ജറ്റ് ആണ് നിശ്ചയിച്ചിരിക്കുന്നത്.2013-14 മലങ്കര ഓര്‍ത്തഡോക്സ് സുറിയാനി സഭയ്ക്ക് 402.93 കോടി രൂപയുടെ ബജറ്റ് ആണ് സഭാ മാനേജിഗ് കമ്മറ്റി അംഗീകരിച്ചത്. കൊടുങ്ങല്ലൂരിലും, മുംബൈ കല്യാണിലും മലങ്കര ഓര്‍ത്തഡോക്ക് സഭ മാര്‍ത്തോമ്മന്‍ സ്മൃതി കേന്ദ്രങ്ങള്‍ തുടങ്ങും. തലസ്ഥാന നഗരിയില്‍ മലങ്ക ഓര്‍ത്തഡോക്സ് സഭ പബ്ളിക് റിലേഷന്‍ ഓഫീസ് ആരംഭിക്കും. ഭവനസഹായ പദ്ധതി, വിവാഹ സഹായ പദ്ധതി, പ്രകൃതിദുരന്തം സഹായം, നവജ്യോതി സ്വയം സഹായസംഘം തുടങ്ങിയവയ്ക്ക് കൂടുതല്‍ തുക വകകൊള്ളിച്ചിട്ടുണ്ട്.