Breaking News

Trending right now:
Description
 
Apr 30, 2014

കാഞ്ഞിരപ്പള്ളി രൂപതാ ബൈബിള്‍ കണ്‍വന്‍ഷന്‍ സമാപിച്ചു

image

കാഞ്ഞിരപ്പള്ളി: അത്ഭുതങ്ങളും അടയാളങ്ങളും രോഗശാന്തിയുമായി കാഞ്ഞിരപ്പള്ളി പഴയപള്ളി അങ്കണത്തില്‍ കഴിഞ്ഞ അഞ്ചു ദിവസമായി നടന്ന രൂപതാ ബൈബിള്‍ കണ്‍വന്‍ഷന്‍ സമാപിച്ചു. വിവിധ സ്ഥലങ്ങളില്‍ നിന്നെത്തിയ നാനാജാതി മതസ്ഥരായ ആയിരങ്ങള്‍ക്ക്‌ ദൈവാനുഗ്രഹത്തിന്റെ ദിനങ്ങളായിരുന്നു ഇത്‌. വചനത്തെ ആഴത്തില്‍ പഠിക്കേണ്ടതിന്റെയും ഗ്രഹിക്കേണ്ടതിന്റെയും അതില്‍ നിലനില്‍ക്കേണ്ടതിന്റെയും ആവശ്യകത പ്രമുഖ വചനപ്രഘോഷകരായ മുരിങ്ങൂര്‍ ഡിവൈന്‍ റിട്രീറ്റ്‌ സെന്റര്‍ അസി.ഡയറക്‌ടര്‍ റവ.ഫാ.ബിജു കൂനന്‍, അണക്കര മരിയന്‍ റിട്രീറ്റ്‌ സെന്റര്‍ ഡയറക്‌ടര്‍ റവ.ഫാ.ഡോമിനിക്‌ വാളന്മനാല്‍, തലശ്ശേരി ബൈബിള്‍ അപ്പോസ്‌തലേറ്റ്‌ ഡയറക്‌ടര്‍ റവ.ഫാ.ജോസഫ്‌പാംബ്ലാനി, ജീവജ്വാല എഡിറ്റര്‍ ഷാജി വൈക്കത്തുപറമ്പില്‍ എന്നിവര്‍ പങ്കുവച്ചു.
കണ്‍വന്‍ഷന്‌ വിപുലമായ ക്രമീകരണങ്ങളാണ്‌ രൂപതാ കേന്ദ്രം നടത്തിയിരുന്നത്‌. 1000 പേരടങ്ങിയ വോളണ്ടിയര്‍ ടീം കണ്‍വന്‍ഷനില്‍ വിവിധ ശുശ്രൂഷകള്‍ നയിച്ചു. കണ്‍വന്‍ഷന്റെ പൊതുവായ പ്രവര്‍ത്തനങ്ങള്‍ക്ക്‌ ജനറല്‍ കണ്‍വീനര്‍ വെരി.റവ.ഫാ.ജോസ്‌ പുളിക്കല്‍, കോര്‍ഡിനേറ്റര്‍ ഫാ.മാത്യു പാലക്കുടി, കണ്‍വീനര്‍ ഫാ.അഗസ്റ്റിന്‍ പുതുപ്പറമ്പില്‍, പബ്ലിസിറ്റി കണ്‍വീനര്‍ ഫാ.സെബാസ്റ്റ്യന്‍ കൊല്ലംകുന്നേല്‍, സണ്ണി എട്ടിയില്‍, സെബാസ്റ്റ്യന്‍ താന്നിക്കല്‍, ജോര്‍ജുകുട്ടി ആഗസ്‌തി, ഔസേപ്പച്ചന്‍ മണ്ണംപ്ലാക്കല്‍, സി.സി.സെബാസ്റ്റ്യന്‍ ചെറുവള്ളില്‍ എന്നിവര്‍ നേതൃത്വം നല്‍കി.
സമാപനദിവസമായ ഇന്നലെ രാവിലെ 9ന്‌ ജപമാലയോടെ കണ്‍വന്‍ഷന്‌ തുടക്കമായി. ആരാധനയെത്തുടര്‍ന്ന്‌ ഷാജി വൈക്കത്തുപറമ്പില്‍ വചനപ്രഘോഷണം നടത്തി. കാഞ്ഞിരപ്പള്ളി രൂപതാ ചാന്‍സിലര്‍ റവ.ഡോ.കുര്യന്‍ താമരശ്ശേരി വിശുദ്ധ കുര്‍ബാനയര്‍പ്പിച്ച്‌ സന്ദേശം നല്‍കി ഫാ.ജേക്കബ്‌ നെടുംതകിടി, ഫാ.സിറിയക്‌ മാത്തന്‍കുന്നേല്‍ എന്നിവര്‍ സഹകാര്‍മ്മികരായി. ഉച്ചകഴിഞ്ഞ്‌ റവ.ഫാ.ഡോമിനിക്‌ വാളന്മനാല്‍ വചനപ്രഘോഷണം നടത്തി. കാഞ്ഞിരപ്പള്ളി രൂപതയുടെ മുന്‍ അദ്ധ്യക്ഷന്‍ മാര്‍ മാത്യു വട്ടക്കുഴി സമാപന സന്ദേശം നല്‌കി. തുടര്‍ന്ന്‌ ഫാ.ഡോമിനിക്‌ വാളന്മനാല്‍ ആരാധനാശുശ്രൂഷ നയിച്ചു. കാഞ്ഞിരപ്പള്ളി രൂപതാധ്യക്ഷന്‍ മാര്‍ മാത്യു അറയ്‌ക്കല്‍ സമാപനാശീര്‍വ്വാദം നല്‍കി.