Breaking News

Trending right now:
Description
 

മലയാളി ക്യാപ്‌റ്റന്‍ രാധിക മേനോന്‌ ധീരത പുരസ്‌കാരം നല്‍കി

ബംഗാള്‍ ഉള്‍ക്കടലില്‍ തകര്‍ന്ന മത്സ്യബന്ധന ബോട്ടില്‍ അകപ്പെട്ട ഏഴു മത്സ്യത്തൊഴിലാളികളുടെ ജീവന്‍ രക്ഷിച്ച ഇന്ത്യയുടെ ആദ്യ മര്‍ച്ചന്റ്‌ നേവി വനിതാ ക്യാപ്‌റ്റനും മലയാളിയുമായ രാധിക മേനോന്‌ ധീരതയ്‌ക്കുള്ള പുരസ്‌കാരം സമ്മാനിച്ചു. ഇന്റര്‍നാഷനല്‍ മാരിടൈം ഓര്‍ഗനൈസേഷന്‍ ഏര്‍പ്പെടുത്തിയ പുരസ്‌കാരം കഴിഞ്ഞദിവസം നടന്ന ചടങ്ങിലാണ്‌ സമ്മാനിച്ചത്‌. ഈ പുരസ്‌കാരം ലഭിക്കുന്ന ആദ്യ വനിത എന്ന ബഹുമതിയും രാധികയ്‌ക്കാണ്‌. ഒരു സമുദ്രസഞ്ചാരിയുടെ കടമയാണ്‌ താന്‍ നിര്‍വഹിച്ചതെന്നും തനിക്കും ടീമിനും ലഭിച്ച വലിയ ബഹുമതിയാണ്‌ ഇതെന്നും അവാര്‍ഡ്‌ സ്വീകരിച്ചുകൊണ്ട്‌ രാധിക പറഞ്ഞു.

Read more >

തെന്നിന്ത്യന്‍ സൗന്ദര്യ റാണിയെ കണ്ടെത്താനായി കൊച്ചിയില്‍ നടന്ന മിസ്‌ സൗത്ത്‌ ഇന്ത്യാ മത്സരത്തില്‍ കേരളത്തിന്റെ ലക്ഷ്‌മി നേനോന്‍ കിരീടം ചൂടി. തമിഴ്‌നാട്ടില്‍നിന്നുള്ള ശ്രീഷ ഫസ്റ്റ്‌ റണ്ണറപ്പും കര്‍ണാടകത്തില്‍നിന്നുള്ള ദുഷാര സെക്കന്‍ഡ്‌ റണ്ണറപ്പും ആയി. മിസ്‌ സൗത്ത്‌ ഇന്ത്യാ വിജയിക്ക്‌ ഒരുലക്ഷം രൂപയും മറ്റു രണ്ടു വിജയികള്‍ക്ക്‌ യഥാക്രമം 60,000, 40000 രൂപ വീതം നല്‍കി. ആദ്യത്തെയും മൂന്നാമത്തെയും വിജയികള്‍ക്ക്‌ മണപ്പുറം ഫിനാന്‍സും രണ്ടാമത്തെ വിജയിക്ക്‌ സാറാ മീഡിയയുമാണ്‌ സമ്മാനം സ്‌പോണ്‍സര്‍ ചെയ്‌തത്‌.

Read more >

മണിപ്പൂരില്‍ സൈന്യത്തിന്റെ പ്രത്യേക അവകാശങ്ങള്‍ പൗരാവകാശങ്ങളെ തകിടം മറിക്കുന്നതിനെതിരെ 16 വര്‍ഷം നിരാഹാരസമരം നടത്തി ശ്രദ്ധേയയായ ഇറോം ശര്‍മിള പുതിയ രാഷ്ട്രീയ പാര്‍ട്ടിക്കു രൂപം നല്‍കി. പീപ്പിള്‍സ്‌ റിസര്‍ജന്‍സ്‌ ആന്‍ഡ്‌ ജസ്റ്റിസ്‌ അലയന്‍സ്‌ എന്നാണ്‌ പുതിയ പാര്‍ട്ടിയുടെ പേര്‌. നിരാഹാരം അവസാനിപ്പിച്ചപ്പോള്‍ നാല്‍പത്തിനാലുകാരിയായ ഇറോം ശര്‍മിള സജീവ രാഷ്ട്രീയത്തില്‍ പ്രവേശിക്കുമെന്ന്‌ പ്രഖ്യാപിച്ചിരുന്നു.

Read more >